Фæлхасгæнджытæм цæстдарды управ. спец. сбæрæг кодтой маскæтæ дарыны фæтк куыд æххæстгонд цæуы, уый

Æнæ медицинон маскæйæ ма 'рбахиз. Ахæм фыст фенæн ис дуканиты дуæрттыл æмæ æхсæнадон транспорты. Афæдз размæ нæ æхсæнады сфидар маскæтæ дарыны фæтк. Чидæр уыцы фæтк æххæст кæны, кæмæ дæр та Уæрæсейы фæлхасгæнджытæм цæстдарды управленийы амынддзинæдтæ зынды дæр не 'сты. Маршрутон такситыл æмæ базарадон объектыл специалисттæ ногæй æрзылдысты. Ныры рæстæджы æнæмæнг дзаума – маскæ. Æнæ уымæй нæй цæуæн базарадон центртæм, стæй адæм бирæгæйттæй кæм æмбырд кæнынц, ахæм рæттæм. Ахæм фæтк апарахат ныр иу азæй фылдæр. Уый бæрц хæссы пандемия. Радон хатт та фæлхасгæнджытæм æмæ транспортмæ цæстдарды управлениты кусджытæ сарæзтой иумæйаг рейд. Бæрæг кодтой маскæтæ дарыны фæтк чи халы, уыдоны маршрутон такситы æмæ горæты базарадон объектты. Ахæм зондахаст се 'ппæтмæ нæй. Ныр адæм цæмæдæр гæсгæ фæныфсджындæр сты, æмæ сæ фылдæр маскæтæ нал дарынц. Чи фæзæгъы, ферох æй кодта хæдзары, кæй та уæвгæ дæр нæ фæнды йæ дарын. Æмæ уыдонимæ Фæлхасгæнджытæм цæстдарды управленийы специалисттæ æрдзырдтой бæстонæй. Загътой сын фыццаджыдæр æнæниздзинд бахъахъхъæнын кæй хъæуы, уый. Базарадон центрты разамынд, сæ уаздджытыл тыхсгæйæ сæ бацæуæнты сæвæрдтой маскæтæ æмæ хи хъахъхъæныны фæрæзтæ. Фарон маскæтæ дарын æнæмæнг хъуыд дуканиты уæйгæнджыты. Абон маскæтæ скæнын хъæуы се 'ппæты дæр. Зæгъын хъæуы уый, æмæ кæд санитарон домæнтæ фæлæмæгъ сты, уæддæр маскæтæ дарыны фæтк ист не 'рцыд. Коронавирусы пандемия ма цас ахæсдзæн, уый адæмæй аразгæ у, зæгъынц специалисттæ. Маскæтæ та сты хорз фæрæз хи бахъахъхъæнынæн ацы вирус æмæ йæ фæстиуджытæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv