Цæгат Ирыстоны аразынц заз бæлæстæ æнæзакъонæй чи фады, уыдонæй æрдз бахъахъхъæныны мадзæлттæ

Цæгат Ирыстоны æрдз хъахъхъæныны министрад æмæ пъæлицæйы кусджытæ сæ хъус дарынц, закъоны сæрты хизгæйæ бæлæстæ чи цæгъды æмæ уæлдæфы сыгъдæгдзинад чи сафы, уыдонмæ. Уæлдайдæр ахæм рейдтæ ахсджиаг сты Ног азы бæрæгбонмæ хæстæгдæр заз бæлæстыл чи нæ ауæрды, уыдоны ныхмæ. Сæрмагондæй æркастысты Дзæуджыхъæу, Мæздæг Алагир, Æрæф æмæ Кировы районты хъæдты хæдзарадты уавæрмæ. Барадхъахъхъæнджытæ цæрджыты зæрдыл лæууын кæнынц, заз бæлас фадгæ кæй æрцахсой, уыдон дзуапп дæтдзысты административон æгъдауæй. Ивар та у 4 мин сомы хуымæтæг адæймагæй, юридикон бæрнондзинад чи хæссы, уый та йæ чыссæ раафтид кæндзæн 300 мин сомы онг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv