Информацион технологиты ахадындзинад 2020 æм азы

Пандемийы рæстæг информацион технологиты ахадындзинад ноджы фæфылдæр. Цæмæй адæмы рады лæууын ма хъæуа, æмæ се нæниздзинадæн дæр тас ма уа, уымæн паддзахадон лæггæдты фылдæр хай раивтой электрон хуызмæ. Уыимæ ма, республикæйы фæзынд иумæйаг æххуысы номыр. Ныр, адæймаджы бон дзуапп райсын у алыхуызон фарстатæн иу номырмæ бадзургæйæ. Уый бантыст регионалон информацион технологитæ æмæ бастдзинады управленийы руаджы. Сентябры Цæгат Ирыстоны кусын райдыдта регионы разамынды центр. Цæгат Кавказы у фыццаг. Центры хæс у адæмы курдиæттæ æмæ тыхстдзинæдтæ æмбырд кæнын сайттæ, порталтæ, социалон хызæгтæ æмæ æвæстиаты бастдзинады номыртæй. Хъуамæ республикæйы цæрджытæ æмæ хицауады `хсæн ахæм фидар бастдзинад уа, цæмæй адæм мацæмæй тыхсой. Адæмы цардыуаджы фæзилæнтæм ныр фылдæр æргом хъуамæ здахой. Республикæйы байгом ситуацион центр. Курдиæттæ æвæстиатæй æрвитынц федералон æмвæзадмæ. Уый руаджы сыл кусдзысты цыбыр рæстæгмæ, лæггæдты хæрзхъæддзинад та хъуамæ фæуæлдæр уа. 50 паддзахадон лæггадæй фылдæр ныр райсæн ис электрон хуызы. Пандемийы рæстæг куыст ахæм хуызы саразын уæлдай ахсджиаг уыд. Электрон гæнæнты куыстмæ æппынæдзух управленийы специалисттæ сæ цæст дарынц. Ацы аз бастдзинад бахæццæ республикæйы дæрддзæф районтæм дæр. Тæмисчъы дæр нырыккон технологитæм рагæй æнхъæлмæ кастысты. Ныр йæ цæрджытæм фæзынд тагъдкусгæ интернет - секундмæ дзы адæттæн ис 100 мегабитæй фылдæр. Канд интернет нæ, фæлæ ма интерактивон телеуынынад дæр ис ныр адæммæ. Уый къухы бафтыд компани «Ростелеком»-ы руаджы. Сæхи хардзæй бакодтой арæзтадон куыстытæ. Сæ хæрзхъæддзинад сын сбæрæг кодтой управленийы минæвæрттæ. Ног номыр 122 баиу кодта æппæт хицауадон кусæндæтты архайд. Бадзурæн Æм ис алы хуызы телефонæй дæр. Ацы азæй фæстæмæ ма республикæйы цæрджытæн фадат ис сæ нымæцон зонындзинæдтæ фæуæлдæр кæнынæн. Æмбæлгæ проект бацæттæ кодтой республикæйы хицауад, информацион технологитæ æмæ бастдзинады управленийы разамынд. 2 минæй фыдæр адæймагæн сарæзтой дæсныйад уæлдæргæнæн ахуыртæ. Управленийы æнтыстджын куысты æвдисæн у уый, æмæ Уæрæсейы информатизацийы хуыздæр 20 регионты 'хсæн Цæгат Ирыстон дæр кæй ис. Абарыны тыххæй æрмæстдæр иу дæнцæг: 2017 азы республикæ уыцы хыгъды уыди 77 бынаты. Хуасдзауты Алинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv