Цæгат Ирыстоны социалон пенситы бæрц фæфылдæр уыдзæн 17 мин адæймагæн

Цæгат Ирыстоны социалон пенситы бæрц фæфылдæр уыдзæн 17 мин адæймагæн. 1-æм апрелæй социалон пенситæ индексацигонд æрцæудзысты 6,1%. Уый фæцæрынæн æхцайы æппын къаддæры бæрцмæ гæсгæ. Ацы ивддзинæдтæ хаудзысты Цæгат Ирыстоны социалон хуызы пенсиисджытæм. Индексацийы фæстæ социалон пенсийы рæстæмбис бæрц республикæйы суыдзæн 9 130 сомы. Уыдонæн сæ фылдæр сты, йе 'нæниздзинад хъыгдæрд кæмæн у, ахæмтæ. Сæ нымæц у - 12 мин æмæ 182 пенсииссæджы. Стæй ма ацы хыгъдмæ хауынц, бинонтæдарæг кæмæн нал ис, уыдон дæр. Сæ нымæц у - 3 мин æмæ 508 адæймаджы. Социалон пенсимæ цы ивддзинæдтæ бахастой, уыдон Уæрæсейы æмткæй райсгæйæ сты 3,2 милуан пенсиисæджы. Уыимæ индексацигонд цæуынц Фыдыбæстæйы Стыр хæсты архайджыты фиддонтæ дæр. Сæ нымæц у - 309. Ленинграды æрхъулайы цæрджыты кадджын нысанæй хорзæхгонд чи ‘рцыд, уыдоны пенситæ дæр. Сты 5 адæймаджы. Уыимæ ма, радиацион æмæ техногенон бæллæхæтæй хъыгдæрд чи баййæфта, уыдон. Æдæппæтæй 73 адæймаджы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv