Владикавказская уынджы 71-æм хæдзары кæрты сæхгæдтой къæвдайы дон цы люкмæ æмбырд кодта, уый

Владикавказская уынджы 71-æм хæдзары цæржытæ хæрзæрæджы сæмбæлыдысты къуылымпыдзинæдтимæ. Боныхъæд æвзæры 'рдæм куы аивы, уæд сæ тас бацæуы. Къæвдаты фæстæ кæрт цæугæдон фесты. Хæдзары пъадвал та донæй айдзаг вæййы. Владикавказская уынджы 71-æм хæдзары кæрт цалдæр боны размæ цæугæдон фестад. Цæрджытæ уынгмæ куыд рахызтаиккой, уый нæ уыд. Уæдæ хæдзары пъадвал дæр донæй байдзаг. Къæвдайы фæстæ хæдзары алыварс цъыфæй нал зынди. Пъадвалы дон куыд сæмбырд ис, афтæ лæууы. Хæдзары цæрджытæ куыд зæгъынц, афтæмæй сæм ахæм уавæр фыццаг хатт сæвзæрд. Хæдзары фæстæ уыди къæвдадон кæдæм цыди, ахæм люк. Фæлæ цалдæр къуырийы размæ ацы бынаты райдыдтой фæндаг аразын. Æмæ цæмæдæр гæсгæ аразджытæ люкы сæр сæхгæдтой. Хæдзары цæрджыты ныхæстæм гæсгæ, фæндаг куы арæзтой, уæд иу кусджытæм курдиатимæ бахатыдысты, къæвдайы дон цы люкмæ æмбырд кодта, уый ма сæхгæнут, зæгъгæ. Адæм фидарæй хæст сты хъуыдыйыл, æмæ арæзтадон куыстытæ закъонмæ гæсгæ нæ цыдысты. Ацы фарстайы фæдыл нæ аныхас кæнын фæндыд куыстытæ чи æххæст кодта, уыдонимæ, фæлæ не сразы сты. Уавæр куыд фæхуыздæр кæнæн ис, уый тыххæй бафарстам куыстуат «Владсток»-ы. Дзуапдæттæг ведомствойы куыд фæнысан кодтой, афтæмæй цæрджыты фарстайы тыххæй зонынц. Сæ курдиатмæ гæсгæ специалисттæ уавæр сбæрæг кодтой. Хæстæгдæр рæстæг дзы сæрмагонд теникæйы æххуысæй къанæуттæ скъахдзысты, цæмæй къæвдайы дон кæуылты цæуа, уый уа. Закъонмæ гæсæ æхгæд æрцыд люк æви нæ, уый сбæрæг кæндзæн административон-техникон инспекци. Ныр та уал цæржытæ тыхсынц, хæстдæгдæр къæвдаты фæстæ сæ уавæр куыд уыдзæн, ууыл. Хуасдзауты Алинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv