2022-æм азы программæ «Земский учитель»-ы бацархайыны фадат ис 13 ахуыргæнæгæн

Цæгат Ирыстоны ацы аз 13 педагогæн сæ бон райсын уыдзæн иухаттон фиддон 1 милуан сомы сæрмагонд программæ «Земский учитель»-ы фæлгæты. Уый тыххæй фехъусын кодта Республикæйы ахуырад æмæ наукæйы министрады пресс-службæ. Ахуыргæнджытæн сæ бон уыдзæн куыст ссарын Алагиры, Мæздæджы, Æрыдоны, Æрæфы, Кировы, æмæ Горæтгæрон районты скъолаты. Æдæппæтæй 13 куысты бынаты. Се 'хсæн математикæ, физикæ, хими, англисаг æвзаг, стæй райдиан кълæсты ахуыргæнджыты ваканситæ. Конкурсы бацархайыны фадат ис, 50 азы онг кæуыл цæуы, канд ахæм фæлтæрдджын педагогтæн нæ, фæлæ ма студенттæн дæр. Уыдонмæ та хъуамæ уа, 3 азӕй фылдæр ист дæсныйад «Образование и педагогические науки», зæгъгæ, ахуырадон программæтæм гӕсгӕ уæлдæр ахуырад. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv