Дзæуджыхъæуы сывæллæтты 37-æм рæвдауæндоны сбæрæг кодтой Мады бон

Дзæуджыхъæуы сывæллæтты 37-æм рæвдауæндоны сбæрæг кодтой Мады бон. 20 сывæллонæй фылдæр архайдтой бæрæгбоны мадзалы. Сабитæ сæхи бæстонæй бацæттæ кодтой. Уазджытæн бакастысты æмдзæвгæтæ, акодтой зарджытæ. Разамынд сын лæвæрдтой сæ хъомылгæнджытæ. Кæронбæттæны та чысыл артисттæ сæ ныййарджыты рахуыдтой вальс кафынмæ. Педагогтæ куыд зæгъынц, афтæмæй ацы бон сабитæ цы æхсызгон æнкъарæнтæ райстой, уыдон бахъуыды кæной.