Респуб. клиникон рынчындоны раззагдæр специалисттæ сараздзысты лæвар консультацитæ районты цæрджытæн

Республикон клиникон рынчындоны раззагдæр специалисттæ сараздзысты лæвар консультацитæ районты цæрджытæн. Уый тыйххæй фехъусын кодта рынчындоны сæйраг дохтыр Митциты Астан. Абон дохтыртæ бæрæг кæнынц Кировы районы сæйраг рынчындон Елхотты. Уым ныридæгæн фæнысан кодтой æппæты ахсджиагдæр профильтæ. Æппæты фылдæр цы медицинон æххуыс хъæуы бынæттон цæрджыты, уыцы къабæзты специалисттæ сын æмбæлгæ æххуыс кæнынц. Астан Митциев: «Районы цæрджыты, бынæттон дохтырты амындмæ гæсгæ, цы тыхсын кæны, уый хынцгæйæ æххуыс уыдзæн. Хъæуы сæ неврологи, урологи, гастроэнтерологи, пульмонологи æмæ дадзинтæ дзæбæх кæныны медицинон специалисттæ. Конкультацитæ сты лæвар, кæй хъæуы, уымæн фадат ис Елхотты рынчындонмæ æрбацæуын æмæ хъæугæ æххуыс райсын». _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv