1 æй 30 æм августмæ бæстæйы уыдзæн хъæууон хæдзарадон рафыст

Хъæууон хæдзарадон рафыст фыццаг хатт уыдзæн нæ бæстæйы. Ацæудзæн 1-æй 30-æм августмæ. Амæй фæстæмæ йæ кæндзысты 10 азы иу хатт. Рафысты хатдзæгтæм гæсгæ цы статистикон информаци сбæрæг уа, уымæ гæсгæ бацархайдзысты къабазы райрæзты пълан саразыныл. Уыимæ бакусдзысты экономикон гæнæнтыл, стæй хъæууон-хæдзарады къабазы архайды пайда куыд фæфылдæр уа, ууыл. Рафысты архайдзысты хъæууон-хæдзарадон куыстуæттæ, ацы къабазы фæллойгæнæг амалхъом адæм, æнæкоммерцион æмхæларадтæ, стæй, хъæуты цæрджытæн хи хæдзæртты цы фермерон хæдзарæдтæ ис, уыдон. 2021-æм азы рафысты спайда кæндзысты нырыкког технологитæй. Уый руаджы информацийыл уыдзæн æнцонæй бакусæн. Уæдæ йæ хъæрзхъæддзинад дæр уыдзæн зынгæ бæрзонддæр. Иу ногдзинад та ма уый, æмæ, хъæууон-хæдзарадон нысаниуæг кæмæн ис, уыцы зæххыты мониторинг кæнгæйæ, спайда кæндзысты спутниккæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv