Паддзахадон автоинспекцийы кусджытæ аразынц профилактикон рейдтæ

Паддзахадон автоинспекцийы кусджытæ аразынц рейдтæ. Сæ сæйраг нысан - нозтджын шофырты раиртасын. Дзæуджыхъæумæ бахизæнты, трассæты, адæм улæфынмæ цы бынæттæм ацæуынц, уырдæм хæстæг инспектортæ рад хæссынц. Шофыртæн æмбарынц кæнынц, цæмæй фæндагыл цæугæйæ æдасдзинады домæнтæ æххæст кæной. Хæдтулгæ нозтджынæй скъæрыны тыххæй шофырты æфхæрдзысты административон æгъдауæй. Ивары бæрц 30 мин сомы, уыимæ ма машинæты хицæутты бардæттæг гæххæттытæ 2 азы æмгъуыдмæ райсдзысты. Бæлвырддæр нæ дарддæры æрмæджы. Хуыцаубоны изæр. Паддзахадон автоинспекцийы кусджытæ аразынц рейд. Иртасынц, нозтджын чи у æмæ хæтдулгæ скъæрынæн бардæттæг гæххæттытæ кæмæ нæй, уыдоны. Фæлтæрдджын инспектор цыбыр ныхасы рæстæг равзардзæн, шофыр нозт хъæстæ у æви нæ, уый. Ацы хæдтулгæйы хицауыл нæ фæгуырысхо ис. Фæндаггон змæлды архайджытæ æмбарынц, ацы мадзæлттæ хъæугæ кæй сты, уый. Сæ ныхæстæм гæсгæ, фæндагыл цæугæйæ æдасдзинады домæнтæ хъæуы æнæмæнг æххæст кæнын. Ацы хæдтулгæйы хицау разынд нозтджын. Машинæ бавæрдтой эвакуаторы. Ахæм фæткхæлды тыххæй шофыры бардæттæг гæххæтытæ байстой. Хъуыддаг дарддæр арвитдзысты тæрхондонмæ. Рейдтæ аразынц федералон автомобилон фæндæгтыл дæр. Инспектортæ шофыртæн æмбарын кæнынц, цæй тыххæй сæ бауырæдтой, уый æмæ мадзалы сæйраг нысан. Инспектортæ цы шофыртыл фæгуырысхо вæййынц, уыдон бынаты иртæстытæ ацæуынц алкотестеры руаджы. Процедурæйыл бирæ рæстæг нæ ацæуы. Статистикæйы бæрæггæнæнтæм гæсгæ, фылдæр фæндаггон фыдбылызтæ æрцæуынц нозтджын шофырты аххосæй. Падддзахадон автоинспекцийы кусджытæ радон хатт фæндаггон змæлды архайджытæм сидынц, цæмæй уой къæрцхъусдæр æмæ æдасдзинады домæнтæ æххæст кæной. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv