Цæгат Ирыстоны «Мæгуырдзинадимæ тох»-ы программæйы фæлгæты баххуыс кодтой 200 адæймагæн

«Мæгуырдзинадимæ тох»-ы программæйы тыххæй ма журналисттæн радзырдта проекты разамонæг Абайты Констатин. Афтæмæй, Цæгат Ирыстоны сæрмагонд программæйы фæлгæты баххуыс кодтой 200 адæймагæн. Æдæппæттæй бафыстой 453 социалон контракты. Абайты Констатины ныхæстæм гæсгæ, программæ æххæстгонд цæуы 3 къабазмæ гæсгæ: куыст ссарын, амалхъомады хи бафæлварын æмæ хи куыстуат фæуæрæхдæр кæнын. Проекты архайджытæ æмгуыст кæнынц бæрнон ведомствæтимæ: куыстдæттыны комитет, хъæууон хæдзарады æмæ экономикон райрæзты министрадтимæ. Уæ зæрдыл уын æрлæууын кæндзыстæм, программæйы архайын райдыдтой афæдзы райдиан. Йæ фæлгæты баххуыс кæндзысты мин бинонтæн. Уый тыххæй федералон æмæ республикон бюджеттæй радих кæндзысты 150 милуан сомæй фылдæр. Абайты Константин, проект «Мæгуырдзинадимæ тох»-ы разамонæг: «Фыццаджыдæр æххуыс кæндзыстæм, зын уавæрты чи бахауд, уыдонæн. Зæгъæм, хи хæдзарады райрæзтæн æхцайы фæрæзтæ чи райсы æмæ дзы æнтыстыджнæй йæхи чи равдисы, уыдонæн гæнæн ис æмæ баххуыс кæндзыстæм фидæны дæр. Æхцайы фæрæзты руаджы кæд сæ фарстатæ иууылдæр нæ аиуварс кæнынц, уæддæр сæ разæнгард фæкæнынц дарддæры архайынмæ». _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv