Цæгат Ирыстоны минæвар Нигкоты Безайы ном, гæнæн ис, æмæ бахæссой Гиннессы рекордты чиныгмæ

Цæгат Ирыстоны минæвар, Фыдыбæстæйы Стыр хæсты архайæг Нигкоты Безайы ном, гæнæн ис, æмæ бахæссой Гиннессы рекордты чиныгмæ. Ахæм хорзæх тохвæллад хæстоны фæцис йæ хъайтардзинады тыххæй. 1944-æм азы Венгрийы не `мзæххонæн бантыст фашистты аэродром бацахсын. Цалынмæ йæм æххуысмæ иннæ сырхæфсæддонтæ нæ фæзындысты, уæдмæ немыцы `фсæдты æнæхай фæкодта 140 хæдтæхæгæй. Уæд ын хъуамæ саккаг кодтаиккой Советон Цæдисы хъайтары ном, фæлæ йæ хæрзиуæг нæ райста. Афтæмæй та дыккаг ахæм цау Фыдыбæстæйы Стыр хæсты никуы `рцыд. Ныр хъæппæрисджын къорды уæнгты фæнды, цæмæй йæ ном Гиннессы чиныджы сфидауа. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv