Дзæуджыхъæуы 8-æм скъолайæн ратдзысты Карсанаты Хъадзыбулаты ном

Дзæуджыхъæуы 8-æм скъолайæн ратдзысты Карсанаты Хъадзыбулаты ном. Уый тыххæй фехъусын кодтой горæты топонимикон къамисы æмбырды. Фæндон бахастой Южныйы поселоччы цæрджытæ. Карсанаты Хъадзыбулаты стыр æргом здæхта Дзæуджыхъæуы хуссар хайы социалон къабазы райрæзтмæ. Сарæзта хæдзары дзаумæтты стырдæр фабрикæтæй иу. Фæндаг горæты астæумæ, амбулатори, скъола æмæ рæвдауæндон саразыны тыххæй сты Карсаны фырты фæндонтæ. Къамисы уæнгты бафæндыд канд скъолайæн нæ, фæлæ Южныйы поселоччы уынгтæй иуæн радтын йæ ном. Къамисы архайджытæ ма ныхас кодтой зындгонд ахуыргӕндты, филологты, æфсæддонты нæмттæ радтын уынгтæн. Æмæ ацы фарстайы фæдыл исынц курдиæттæ. Нырма уал номхыгъды ис 60 мыггаджы. Æмæ канд уынгтæн нæ, фæлæ ма фæлладуадзæн бынæттæн æмæ уæлдæр ахуыргæнæндæтты факультеттæн дæттын зындгонд адæмы нæмттæ. Æмбырды ма ныхас кодтой Абайты Васойы цæртдзæвæнæн бынат сбæрæг кæныны тыххӕй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv