Республикæйы районты гом кæнынц гуманитарон æмæ нымæцон профильты центртæ

Квадрокоптер суадзын, хъæугæ фигурæ нырыккон принтерыл рауадзын. Æппæт ацы ногдзинæдтæ базоныны фадат ис Æрыдоны 1-æм æмæ 4-æм скъолайы ахуырдзаутæн. Фæзынд дзы нымæцон æмæ гуманитарон профильты центр «Точки роста». Сывæллæтты ахуыр кæнынц нырыккон технологитæ хынцгæйæ. Скъолайы разамонджытæ куыд бафиппайдтой, афтæмæй ацы центртæ районты скъолаты æнæмæнг хъæугæ сты. Бæлвырддæр нæ дарддæры æрмæджы. Квадрокоптер суадзын, ноутбукы проект фæнысан кæнын, нырыккон принтерыл æй рауадзын. Ацы ногдзинæдтæй спайда кæнын сæ бон у Æрыдоны цыппæрæм скъолайы ахуырдзаутæн. Ногдзинæдтæ хуыздæры рдæм фæзындысты ахуыргæнджыты куыстыл дæр. Фылдæр æргом здахынц практикæйы хуызы уроктæм. Центры ахуыр кæнынц фыццаг медицинон æххуыс раст бакæныныл. Уый тыххæй сæм ис нырыккон маникен дæр. Æрыдоны фыццæгæм скъолайы та æрмæст нырыккон кусæнгæрзтæй нæ пайда кæнынц, фæлæ ма дзы ис шахматты уат дæр. Ам сывæллæттæ сæ зонындзинæдтæ фылдæр кæнынц. Ам цы ахуыргæнджытæ кусдзысты, уыдон дистанцион хуызы ацыдысты ахуыртæ. Педагогты ныхæстæм гæсгæ, ахæм хуызы сæхи фыццаг хатт фæлвардзысты. Ахæм нырыккон ногдзинæдтыл Беслæны 8 скъолайы ныридæгæн ахуыр сты. Ахуыргæнæндон цалдæр азы кусы ног профильтæм гæсгæ. Æнтыстдзинæдтæ дæр сæм ис. «Точки роста» арæзт сты «Современная школа», зæгъгæ, федералон проект æмæ национ проект «образования» - мæ гæсгæ. 2021-æм азмæ фæзындзысты республикæйы алы районы дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv