Белгородæй Цæгат Ирыстонмæ фæхæццæ кодтой гилдз æмæ «Прохоровы номыл фæз» æй зæххы хай

Белгородæй Цæгат Ирыстонмæ фæхæццæ кодтой гилдз æмæ «Прохоровы номыл фæз»-æй зæххы хай. Фыдыбæстæйы Стыр хæсты реликви ныр хъахъхъæд цæудзæн «Барбашовы фæз»-ы фемориалы музейы. Реликви æрласын сфæнд кодтой Уæрæсейы фысджыты цæдисы регионалон хайады минæвæрттæ. Белгороды облæсты хорз хъуыды кæнынц Дзгойты Федоры рухс ном. Йæ полкимæ Федор радта немыцæгтæн аккаг ныхкъуырд. Йæ `руаджы горæт фашисттæй суæгъд кодтой. Пулеметчик уæвгæйæ, Федор разамынд лæвæрдта бырсæг къордтæй иуæн. Белгород куы суæгъд кодтой, уæдæй рацыд фондз боны æмæ не ’мзæххон Дзгойты Федор фæмард Харьковы облæсты. Хъæбатыр салдат ныгæд æрцыд æфсымæрон ингæны поселок Стрелечьейы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv