Цæгат Ирыстоны скодтой мониторинг Хъола æмæ Майлийы цъититæн

Уæрæсейы æнæнхъæлæджы уавæрты министрад вертолет Ми-8-ы ӕххуысӕй скодта Хъола æмæ Майлийы цъититы мониторинг. Басгӕрсты архайдтой ирвӕзынгӕнджытӕ, метеорологтӕ ӕмӕ ахуыргӕндтӕ. Уыдон ныридæгæн райдыдтой ӕвӕрын ног автоматон метеостанцӕ. Хъус дардзӕн ихы уавӕрмӕ. Хъола тӕссаг объект у. Æмæ цӕстдард, фыццаджыдæр, æнæмæнг хъӕуы Хъӕрмӕдоны комы цæрджыты бахъахъхъӕнынӕн. Уӕрӕсейы хицауад цъитийы басгӕрстӕн рахицӕн кодта 52 милуан сомы бӕрц.