Коронавирусæй рынчынты рабæрæг кодтой Хуссар Ирыстоны дæр

Коронавирусæй рынчынты рабæрæг кодтой Хуссар Ирыстоны дæр. Ивгъуыд суткæмæ сæм бафтыд 2 адæймаджы. Фæлхасгæнджытæм цæстдарды управленийы кусджытæ цæрджытæн скодтой 36 тесты. Ныртæккæ рынчынты иумæйаг нымæц у 102, - уый пандемийæйы райдианæй. Арæнтæ куы байгом кодтой, уæдæй нырмæ та 12 адæймаджы фæрынчын сты COVID-19-æй. Се`рдæг сты инфекцион рынчындоны, иннæты дзæбæх кæнынц сæ хæдзæртты. Медицинон кусджыты цæттæ кæнынц, мыййаг, æвзæр эпидемиологон уавæр куы сæвзæра, уæдмæ. Бирæвæрсыг медицинон центры сывæллæтты рынчындонæй аразынц, коронавирусæй рынчынты кæм дзæбæх кæндзысты, ахæм уагдон. Скæндзысты дзы 100 бынаты. Ведомствотæм арвыстой сæрмагонд амындтытæ, санитарон домæнтæ куыд хъуамæ æххæст кæной, уый тыххæй. Хуссар Ирыстоны сæйраг санитарон дохтыр куыд бафиппайдта, афтæмæй уавæр бынтон æвзæр нæу. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv