Дзæуджыхъæуы цæуынц Хуссар æфсæддон зылды ерыстæ хоккейæ

Дзæуджыхъæуы сарæзтой Хуссар æмæ Цæгат Кавказы федералон зылдты ерыстæ хоккейæ. Нæ командæ дзы йæхи æвдисы арæхстджынæй. Ныридæгæн уал акодтой æртæ хъазты. Ихмæ ма сæ рацæуын хъæудзæн иу хатт. Ныр та уал Алайнаг фыранчытæ сæ тыхтæ бавзæрстой Краснодары клуб «Юность»-имæ. Куыд рауад хъазт, уый тыххæй нæ дарддæры æрмæджы. Иу ныббырст иннæйы фæдыл. «Аланские барсы» ныхмæлæууæджы фыццаг минутæй фæстæмæ иу ран нæ уадзынц. Хоккейы клубы ис 9 архайæджы ис. Сæ ныхмæ лæууыдысты Краснодары клуб «Юность» 20 спортсмены. Алы периоды дæр иу сæвзæрд тæссаг уавæртæ. Спортуарзджыты цинæн кæрон нæй. Хъазтмæ æнувыдæй нымдзаст сты æвзонг хоккеистты ныййарджытæ. Хуссар æмæ Цæгат Кавказы федералон зылдты ерысты фыццаг къæпхæн ацыд Дзæуджыхъæуы. Нæ командæ ныридæгæн акодта æртæ хъазты, разæй ма ноджы иу. Чемпионат аразджыты ныхæстæм гæсгæ, ахæм ерыстæ стыр ахъаз сты хоккейы хуызы спорты райрæзтæн Цæгат Ирыстоны. 5 горæты командæтæ: Ростов, Краснодар, Новочеркасск, Аксай æмæ Дзæуджыхъæу. Фыццаг къæпхæн кæронмæ фæуыдзæн абон. Разæй ноджы дыууæ къæпхæны, уый фæстæ кæронбæттæны фембæлд. Уый ацæудзæн уалдзæджы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv