125 милуан сомы 2021 2023 æм æзты рахай кæндзысты, Беслæны хъыгдæрд чи баййæфта, уыдонæн

125 милуан сомы 2021 - 2023-æм æзты рахай кæндзысты, Беслæны хъыгдæрд чи баййæфта, уыдонæн. Проектыл бакуыстой Уæрæсейы экономикон райрæзты министрады. Теракты хъыгдæрд чи баййæфта, уыдоны æнæниздзинад æрвылаз хъæуы хъæддых кæнын. Пъланмæ гæсгæ сæ хъæуы медицинон æххуыс. Республикæйы сæргълæууæг Битарты Вячеслав курдиат арвыста нæ бæстæйы президент Владимир Путинмæ. Фæнысан дзы кодта, цæрджытæн социалон æххуыс бакæнын кӕй хъӕуы, уый. Фæстæдӕр хъуыддагыл бакусын бахæс кодтой нæ бæстæйы хицауадæн. Хъыгдæрд цы цæрджытæ баййæфтой, уыдонæн сæ бон уыдзæн хъæугæ медицинон æххуыс æппынæдзух исын. Ведомствæйы куыстæн дзуапп дæтты Уæрæсейы экономикæйы райрæзты министры фыццаг хæдивæг Михаил Бабич. Ныртæккæ сæрмагонд медицинон æххуыс бакæнын хъæуы 6 цæрæгæн. Санаторон-курортон путевкæтæ рахай кæндзысты, теракты хъыгдæрд чи баййæфта, ахæм 336 адæймагæн. Фиддонтæ æмæ санаторон-курортон лæггад кæмæн æмбæлы, уый бæрæг кæндзæн республикæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv