Цæгат Ирыстоны æххæст кæнынц паддзахадон программæ «Æдас республикæ»

Цæрджыты цард фенцондæр кæнын, уыимæ бакусын æдасдзинады фарстатыл. Æххуысы сæрмагонд номыр 112, республикæйы уынгты интеллектуалон цæстдарды камерæтæ, адæмæн æвæстиатæй æнæнхъæлæджы уавæры тыххæй фехъусын кæнынæн сæрмагонд системæ. Æппæт ацы хъуыддæгтæ арæзт сты паддзахадон программæ «Æдас республикæ»-йы фæлгæты. Бæлвырддæр нæ дарддæры æрмæджы. «Æдас республикæ»-йы программæ нæм æххæстгонд цæуы 10 азы дæргъы. Фæстаг 3 азы йæ куыст фæрæвдздæр. Зæгъæм, ныр нæ республикæйы цæрæджыты æвæстиаты службæты æххуыс бахъуыд, уæд сæ бон у иумæйаг æххуысы номыр 112-мæ бадзурын. Пандемийæйы афон ацы номырмæ æрмæст тагъд медицинон æххуысы тыххæй дзырдтой 6000 адæймаджы бæрц мæймæ. Системæ йæхи æнтыстджынæй равдыста, иу уысм дæр нæ фæкъуылымпы. Уымæй уæлдай, программæйы фæлгæты 430 камерæйы цæст дарынц Дзæуджыхъæу æмæ районты уынгтæм. Æвæрд сты, барад халджытæй тæссагдæр кæм у, уыцы рæтты. Æнæнхъæлæджы уавæрты рæстæг, зæгъæм, адæмæн уавæр чи фехъусын кæндзæн, уыцы системæ дæр фæстаг цалдæр азы снывыл кодтой. Æмгуыст кæнынц дзыллон информацион фæрæзтимæ. Хъусынгæнинаг æрбацæудзæн æппæт чырæ телефонтæм дæр. Уæдæ æрдзон бæллæхты тыххæй афойнадыл базонынæн æмæ уайтагъд дзыллæтæн фехъусын кæнынæн дæр æппæт фæрæзтæ сты цалцæггонд. Ацы аз фæзындзæн ногдзинæдтæ коммуналон лæггæдты къабазы дæр. Бирæуæладзыгон фатерты сæвæрдзысты коммуналон лæггæдтæм цæст чи дара, ахæм автоматикæ. Ахæм æххуысы тыххæй æхсæвæй-бонæй дæр кусынц сæрмагонд къордтæ. Уымæй уæлдай, системæйы фæрцы бæрæг уыдзæн, цы коммуналон лæггæдтæ райстой, уыдон аккаг бæрц сты, æви нæ. Æмæ уый фæрцы къаддæр бафидын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv