Паддзахадон оргæнты кусджытæн сараздзысты терроризмы ныхмæ сæрмагонд ахуыртæ

Паддзахадон оргæнты кусджытæн сараздзысты терроризмы ныхмæ сæрмагонд ахуыртæ. Сæ фæлтæрдзинадæй сын фæхай кæндзысты Терроризмы ныхмæ къамисы кусджытæ, Мидхъуыддæгты министрады афицертæ æмæ мобилон къорды архайджытæ. Уый тыххæй ныхас кодтой хицауады уæнгтæ теорроризмы ныхмæ къамисы æмбырды. Разамынд ын лæвæрдта Битарты Вячеслав. Æрныхас кодтой транспортон инфраструктурæйы æдасдзинады фарстатыл. Æрдзырдтой, хæстон бынæттæй цы сывæллæтты ракодтой, уыдоны уавæрыл. Афтæмæй, Цæгат Ирыстонмæ фæхæццæ кодтой 3 сабийы. Сæ ныййарджытæ æбæрæгæй фесæфтысты. Ныртæккæ сывæллæттæ сты сæ хиуæтты бæрны. Æмбæлгæ каст сæм цæуы. Ахадгæ куыст хицауад кæны ирон диаспорæты минæвæрттимæ. Битарты Вячеслав фæбæрæг кодта, æмгуыст кæнын уæлдай ахсджиаг кæй у, уый. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv