Вахтанговы номыл хæдзары ацыд пианист Гергиты Абысалы концерт

Вахтанговы номыл хæдзары ацыд курдиатджын пианист, Английы консерваторийы рауагъдон Гергиты Абысалы музыкалон изæр. Аивадуарзджытæн балæвар кодта классикон сфæлдыстад. Ацагъта, 140 азы кæуыл цæуы, ахæм рояль Becker-ыл. Рагон инструмент у Вахтонговы хæдзары экспонаттæй иу. 20-æм æнусы райдиан æй раластой сæудæджеры хæдзары æндæр дзауматимæ. Сæдæ азы фæстæ йæ заууат уавæры ссардта æмæ балхæдта Евгений Вахтанговы номыл театр. Гергиты Абысал ацагъта Бетховены 15-æм сонатæ, оперӕ "Тристан и Изольда"-йæ увертюрæ, Прокофьевы 2-æм сонатæ æмæ Густав Малеры 5-æм симфони.