Абон Уæрæсейы бæрæг кæнынц библиотекæты Æппæтуæрæсейон бон

1995-æм азæй нырмæ президенты уынаффæмæ гæсгæ 27-æм майы фæбæрæг кæнынц библиотекæты Æппæтуæрæсейон бон. Ацы бон 225 азы размæ бындур сæвæрдтой фыццаг æхсæнадон библиотекæйæн Уæрæсейы. Нæ бæстæйы национ библиотекæ Санкт-Петербурджы у æппæты зæронддæр Уæрæсейы. Фондты хъæздыгдзинадмæ гæсгæ та ахсы дыккаг бынат. Уæдæ æгас дунейы дæр нымад у информацион-библиографион кусæндæтты стырдæртæй иуыл. Цæгат Ирыстоны Республикон Национ библиотекæйы дæр бæстонæй архайынц, цæмæй дзы алы кары адæймагæн дæр фадат уа цымыдисаг æрмæг фенын, æмæ дзы уыйадыл раст спайда кæнын. Чиныгдоны фадат ис уарзондæр авторты æрмæджытæ электрон хуызы кæсын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv