Цæгат Ирыстоны 18 сидзæр сывæллоны райстой ног фатертæ

Цины хабар! Сæ ног фатерты къæсæрæй бахиздзысты цардбæллон æвзонг фæсивæд. Кадджын уавæры хи хæдзæртты дæгъæлтæ сидзæр сывæллæттæн раттой вице-премьертæ Тугъанты Ларисæ æмæ Бокоты Эльбрус. Хицауады сæрдары хæдивæг фæнысан кодта, ахæм æххуысы хуыз дарддæр кæй рæздзæн. Йæ ног фатерыл чи цин кæны, уыдоны 'хсæн Хъыргъаты Ангелинæ. Фыццаг уазджытæ дæр æм саккаг кодтой. Чызг йæ цин не 'мбæхсы. Ныр ацы хæдзар Ангелинæйæн йæ бон у ныфсджынӕй йæхи схонын. Куыд æй саив кæндзæн, уый дæр æрхъуыды кодта. Уæдæ Станислав Маруфов дæр ныр у Ангелинæйы сыхаг. Лæппу райста фатер фыццæгæм уæладзыджы.  Йæ хъысмæт æнцон нæ рауад. Йæ ныййарджыты хъуыды дæр нæ кæны, схъомыл æй кодтой хæстæджытæ. Ныр Станислав йæхи цæттæ кæны хи фатеры ӕрцӕрынмӕ. Сидзæр сывæллæттæ æмæ хи бынонтæй цавæрдæр аххосæгты тыххæй чи фæиппæрд, уыдонæн фарон республикæйы фæллой æмæ социалон райрæзты министрад самал кодта 75 фатеры. Се 'хсæн -- цæрæнуæттæ районты дæр. Цалцæггонд фатерты ис æппæт хъæугæ уавæртæ. Уазал æмæ хъарм дон, хъармгæнæнтæ, пец. Ацы аз байуарынвӕнд кæнынц ноджы фылдæр цæрæнуæттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv