Республикон эндокринологон диспансеры бындурыл æфсæддон госпиталы архайд кæронмæ æрхæццæ

Республикон эндокринологон диспансеры бындурыл æфсæддон госпиталы цæттæ сты фæстаг рынчынты рафыссынмæ. Ныридæгæн медицинон кусæндоны дзæбæх кæнынц 16 адæймаджы. Се 'нæниздзинады бæрæггæнæнтæ, дохтырты ныхæстæм гæсгæ, зæрдæхсаинаг не 'сты. Уымæ гæсгæ дарддæр пациенттæ се 'нæниздзинад хуыздӕр кæндзысты хæдзары. Уæ зæрдыл уын æрлæууын кæндзыстæм, Сергей Меняйлойы курдиаты фæстæ республикæйы цæрджытæн медицинон æххуыс бакæныны уынаффæ рахаста Уæрæсейы хъахъхъæнынады министр Сергей Шойгу. 412-æм æфсæддон госпиталы сæ куысты æмгъуыдмæ райстой 200 пациенты. Медицинон кусджытæн бацæттæ кодтой нырыккон ифтонггæрзтæ — улæфынæн стæй туджы анализтæн сæрмагонд аппараттæ, цастдарыны монитортæ, иртасæн лабораторитæ. Уыимæ ма, дезинфекцигæнæн, химæ базилыны бынат æмæ рентгены мобилон кабинет. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv