Абон Фысджыты цæдисы ацыд Чеджемты Георы мысæн изæр

Абон Фысджыты цæдисы ацыд Чеджемты Георы мысæн изæр. Мадзалмæ саккаг кодтой йе ’мкусджытæ, йæ хæлæрттæ, культурæйы къабазы минæвæрттæ.  Æрымысыдысты йæ сфæлдыстадон фæндаг. Поэт, драматург, публицист, прозаик, тæлмацгæнæг, Фысджытæ æмæ Нывгæнджыты цæдисы уæнг – Чеджемты Георыл ацы аз сæххæст уыдаид 80 азы. Ирон литературæйы ныууагъта сæрмагонд фæд, схызт ирон аив дзырды бæрзæндтæм æмæ уыцы куыст кодта цæрæнбонтæм. Йе `взаг хъæздыг, ирд, нуарджын – иухуызон арæхстис куыд поэтикон, афтæ прозаикон уацмыстæ фыссынмæ дæр. Фыссæг йæ чингуытæм нывтæ кодта йæхæдæг. Бирæ аргъæуттæ æмæ радзырдтæй барухс кодта сабиты зæрдæтæ, ссис сын уарзон æмæ хион. Йæ ныхас уыд хуымæтæг, аив, æнцон æмæ æнæаипп. Йæ уацмыстæй бирæтæ хаст æрцыдысты ахуыргæнæн чингуытæм. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv