"Барбашовы фæзы" бынаты ацыд егъау æфснайæн зиу. Мадзалы архайдта сæдæ адæймагмæ ввахс. Расидтысты йæ Адæмты хæлардзинады республикон хæдзар æмæ национ-культурон æхсæнадты минæвæрттæ. Акцийы архайджыты 'хсæн ма уыд администрацийы минæвæрттæ, депутаттæ æмæ Горæтгæрон районы цæрджытæ. Ахæм ахсджиаг æмæ пайда хъуыддæгтæ æппынæдзух саразынц. Ацы аз æфснайæн зиуы уыд фæсивæд дæр. Уыцы иу рæстæг сæ базонгæ кодтой мемориалы историйы тыххæй, радзырдтой сын æфсæддон цауты тыххæй.