Æппæтуæрæсеон адæмон фронты уæнгтæ сбæрæг кодтой Æрæфы районы ФАПты уавæр

«Æнæниздзинад хъахъхъæныны» нацпроекты фæлгæты республикæйы районты аразынц ног амбулаторитæ æмæ фелсырон-акушерон пункттæ. Медицинон кусæндæтты архайдмæ сæ цæст дарынц æппæтуæрæсеон адæмон фронты уæнгтæ. Ацы хатт уыдысты Æрæфы районы. Сæрмагондæй се ргом аздæхтой бæстыхæйтты ифтонгдзинадмæ.  Быдыры Дæргъæвсы фельсырон-акушерон пункт байгом 2 къуырийы размæ. Йæ кусæг Фидараты Жаннæйæн ныр йæ уавæртæй йæ зæрдæ райы. Раздæр-иу æй хъуыд рынчынтæм хæдзармæ цæуын. Ныр ын, сæйгæ чи кæны, уыдонмæ кæсын амбулаторийы æнцондæр у. Фельсырон-акушерон пунктты чи кусы, уыцы дохтыртыл базыртæ базад сæ ног уавæртæй. Æмдзыхæй дзурынц, раздæры бонтимæ сын абарæн дæр кæй нæй. Фæлæ дохтыры цæст уынаг у: ис ма, æргом аздахæн кæмæ ис, ахæм лыстæг хъуыддæгтæ. Æдæппæтæй республикæйы районты сарæзтой 36 ФАПы. Цалдæрæй фæстæмæ иннæтæ кусынц. Сæ ифтонгдзинад æмæ кусæнгæрзтæй цæттæдзинад сын æппынæдзух бæрæг кæнынц æхсæнады минæвæрттæ. Ацы хатт уыдысты Æрæфы районы. Ис сæм фиппаинæгтæ. Зæгъæм, кæмдæр фæндагмæ иучысыл базилын хъæуы. Иннæ дыууæ раны нырма хъармгæнæн системæ нæма скуыста, Советон поселочы амбулаторийы та æнæнхъæн бон рухс нæ уыд. Уымæ гæсгæ сын кусынæн фадат нæ уыд. Цы аиппытæ рабæрæг кодтой, уыдоны тыххæй хъусынгæнинæгтæ адæмон фронты уæнгтæ арвитдзысты дзуаппдæттæг кусæндæттæм. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv