Хæрзаудæн проект «Мечтай со мной» сæххæст кодта дыууæ хойы бæллиц

13 азы æнхъæлмæ кастысты ацы фембæлдмæ æмæ ныр сæ бæллиц сæххæст. Кæрæдзийæ дард кæй цардысты, уый аххосæй дыууæ хойæн сæмбæлыны фадат нæ уыд. Сæ иу цæры Ирыстоны, иннæ та – Тюмены. Дыууæ хойы курдиат сæххæст кодтой хæрзаудæн проект «Мечтай со мной»-йы бархионтæ. Бæлвырддæр нæ дарддæры æрмæджы. Хъарм хъæбыстæ æмæ цины цæстысыгтæ рустыл. Ацы фембæлдмæ хотæ 13 азы æнхъæлмæ кастысты. Æмбалты Таисияйы æнæниздзинад кæд хуыздæр хъуаг у, уæддæр йæ ныфс бахаста Тюменæй Дзæуджыхъæумæ ссæуынмæ. Хотæн фембæлыны фадат нæ уыд, кæрæдзийæ дард кæй уыдысты, уый тыххæй. Хистæр хо Черчесты Валентинæйы хиуæттæ æххуысмæ бахатыдысты проект «Мечтай со мной» -йы бархионтæм. Уыдон æй куы базыдтой, Валентинæйæн йæ бон не суыдзæн Алагирæй ахæм дард фæндагыл ацæуын, уæд сæ хо Таисияйæн баххуыс кодтой билеттæ хæдтæхæгмæ райсын. Бинонтимæ аныхас кæнынмæ ис фаг рæстæг. Иумæ фæуыдзысты æртæ къуырийы. Проект «Мечтай со мной» æххæст кæны, æвзæр æмæ уæззау низтимæ чи тох кæны, уыдоны бæллицтæ. Кæйдæр фæнды уарзон зарæггæнæджы фенын, кæй та йæ хæдзары цур ирон музыкæйы концерт фехъусын, кæмæндæр та йæ бæллиц у гæды кæнæ къæбылаимæ ахъазын. Бонæй-бонмæ, проектмæ куыдфæндыйы цæстæй чи нæ кæсы, уыдоны нымæц кæны фылдæр. Адæмы курдиæттæ фенæн ис мечтайсомной.рф, зæгъгæ, сæрмагонд сайты. Сæххæст кæнын сæ у алкæй бон дæр. Проект аразджыты ныхæстæм гæсгæ, алы æххæстгонд бæллиц дæр рынчынæн йæ низ сафы æмæ æнæниздзинад фидардæр кæны. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv