Зымæгон рæстæг фæндæгты æдасдзинадмæ сæ хъус дардзысты 9 подрядон организацийы

Зымæгон рæстæг фæндæгты æдасдзинадмæ сæ хъус дардзысты 9 подрядон организацийы. Ныридæгæн бахастой, зымæгон фæндæгтæм куыд зилдзысты, бригадтæ рад куыд хæсдзысты æмæ фæндаггон нысæнттæ кæм ифтонг кæндзысты, уый хъыгъд. Куысты фæткы тыххæй радзырдта фæндаггон хæдзарады комитеты разамонæг Солиты Тариэль, Цæгат Ирыстоны хицауады сæрдар Тускъаты Таймуразимæ фембæлды рæстæг. Ведомствойы архайынц фæндаггон змæлды æдасдзинады домæнтæ сæххæст кæныныл. Фылдæр се 'ргом здахынц фистæгцæуджыты ахизæнтæм, уӕлдӕйдӕр рæвдауæндæттӕ æмæ скъолаты цур. Ацы аз базылдысты 23 ахизæнмæ. Ныртæккæ фæндæгтыл ифтонггонд ис 58 видеоцæстдарæн камерæйы. Национ проектты ахадындзинады тыххæй дзыллон информацион фæрæзтæ куыд хабар кæнынц, уый тыххæй Хицауады сæрдар æрдзырдта Мыхуыры æмæ дзыллон коммуникациты комитеты сæрдар Фидараты Юриимæ. Куыд фехъусын кодта, афтæмæй ацы хъуыддаджы куыст цӕуы бæстонæй. Ныхас кодтой Аланийы аргъуыды 1100 азы юбилеймæ кадджын мадзæлтты тыххæй. Фæнд кæнынц цалдæр сæрмагонд чиныджы сери «Алайнаг чиныгдон», зæгъгæ, рауадзын. Ацы аз пъланмæ гæсгæ мыхуыры рацæудзысты 7 рауагъды. Журнал «Чырыстон цард» дæр цæттæ у. Рауагъдадмæ ма арвыстой ӕндӕр чингуытæ дӕр. Уыдоны 'хсӕн «Аланийы Истори», «Ирыстон-Аланийы историон атлас» æмæ ма ноджы 5 чиныджы. Афæдзы кæронмæ иууылдæр рухс фендзысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv