Дзанайты Барис архайдта паддзахадон советы къамисы ӕмбырды

Дзанайты Барис архайдта паддзахадон советы къамисы ӕмбырды. Ацыд видеобастдзинады хуызы. Амыдта йæ Челябинскы облӕсты губернатор Алексей Текслер. Ныхас цыд "Экономикӕ ӕмӕ финанстыл". Архайджытӕ ӕрдзырдтой регионалон бюджеттӕ ӕххӕст кӕныныл ӕмӕ Уӕрӕсейы субъекттӕн ӕххуысы ног мадзӕлттыл. Ацы здæхты ис хорз бæрæггæнæнтæ. Рӕзынц регионты хи ӕфтиӕгтӕ, стӕй хъалонӕй ӕмӕ НДФЛ-йӕ ӕфтиӕгтӕ дæр. Уыимӕ регионты иумӕйаг хӕс коммерцион кредиттӕй къаддӕр кӕны. Ныхас ма цыд инвестицион хъалонтӕ фӕхуыздӕр кӕныныл. Цӕгат Ирыстоны премьер-министр куыд фӕбӕрӕг кодта, афтӕмӕй республикӕйы разамынд ӕппӕт фадӕттӕ дӕр аразы экономикӕйы рӕзтӕн. Ацы куысты сӕйраг нысан — цӕрджыты царды хӕрзхъӕддзинад фӕхуыздӕр кӕнын.