Коммуналон службæтæ дарддæр митæй сыгъдæг кæнынц Дзæуджыхъæуы уынгтæ

Тыхджын мит æрæмбæрзта Цæгат Ирыстон. Æхсæвы дыууæ сахатыл коммуналон службæтæ балæууыдысты мит сыгъдæг кæныныл. Боныхъæды фæстиуджытæ иуварс кæны митæфснайæн техникæ. Пырх кæнынц цæхх æмæ змис. Ныртæккæ дæр кæнынц уыцы куыст. Коммуналон службæты архайд къуылымпы кæны, уæлдæфы температурæ 14 градусы онг уазалмæ кæй æрхауд, уый. Цæхх æмæ змис бахъуыд ногæй пырх кæнын. Кæцыдæр уынгты суанг цалдæр хатты дæр. Синоптиктæ зæрдæ æвæрынц, боныхъæд кæй фæхуыздæр уыдзæн, уымæй. Куыд хъусын кæнынц, афтæмæй хæстæгдæр æртæ боны фæхъармдæр уыдзæн, уарынтæ æрлæудзысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv