Тускъаты Таймураз фембæлд Яков Геллеримæ

Цæгат Ирыстонмæ продукци чи ласы, уыдонæн базарадон гæнæнтæ аразын. Ацы æмæ æндæр ахсджиаг фарстатыл Тускъаты Таймураз кусæг фембæлды ныхас кодта Татарстаны паддзахадон заказы Агентады генералон директор Яков Геллеримæ. Республикæйы сараздзысты маркетингы центр. Татарстаны ахæм куыстуат ныридæгæн архайы. Йæ сæйраг нысантæй иу у, алыхуызон продукци кæм ис, ахæм базарадмæ бацæуынæн фадæттæ фылдæр амалхъома дæмæн саразын. Центры руаджы куыст рæвдздæр цæудзæн, уæдæ хæрдзты бæрц дæр фæкъаддæр уыдзæн. Татарстанимæ ахæм хуызы æмгуыстадыл нырма бацархайын хъæуы. Тускъаты Таймуразы ныхæстæм гæсгæ, республикæйы уыцы центр куы фæзына, уæд уый хорзырдæм сахаддзæн чысыл бизнесы райрæзтыл нæ республикæйы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv