15 милуан сомы рахай кæндзысты федералон бюджетæй Кировы районы хъæу Дашкъоф райрæзтæн

Кировы районы хъæу Дашкъоф федералон бюджетæй райсдзæн 15 милуан сомы. Æхцайы фæрæзтæ схардз кæндзысты хъæуы райрæзтыл. Комсомольская хъæу сси «Хуыздæр муниципалон практикæ», зӕгъгӕ, конкурсы уæлахиздзау. Бардзырд уый тыххæй бафыста Уæрæсейы хицауады сæрдар Михаил Мишустин. Документмæ гæсгæ преми лæвæрд цæуы «Территориалон бынæттон хиуынаффæйады рæзты, бæстыхæйттæ аразынады политикæ, хæдзарадон куыст, уыимæ Нациты 'хсæн хæлардзинад фидар кæнын æмæ национ фарстатимæ баст æндæр мадзæлттæ муниципалон æмвæзадыл аразыны» номинацитæм гæсгæ. Конкурс «Хуыздæр муниципалон практикæ» аразынц 2017-æм азæй фæстæмæ. Йæ нысан у - сбæрæг кæнын æмæ равзарын, бынæттон хиуынаффæйад цы фарстатыл бакуыста, уыдонæн сæ хуыздæртӕ. Уæлахиздзауты схорзæх кæндзысты æхцайы премитæй. Ацы аз дзы бацархайдтой Уæрæсейы 70 субъекты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv