Евгений Вахтанговы номыл уырыссаг академион театры уыд пресс-конференци

Евгений Вахтанговы номыл уырыссаг академион театры уыд пресс-конференци. Журналистты æмæ мадзалы иннæ архайджыты фарстатæн дзуæппытæ лæвæрдта театры аивадон разамонæг Владимир Уваров. Ныхас цыд театры 150 азы юбилейы тыххæй. Бæрæг æй кæндзысты 2 боны дæргъы. 30-æм октябры уыдзæн премьерæ - театрдзаутæн равдисдзысты Лермонтовы «Маскарад». Ацы спектаклæй райдыдта театры истори. 31-æм октябры та бæрæг кæндзысты сæ юбилей. Уыдзæн дзы кадджын уазджытæ дæр - Евгений Вахтанговы номыл Мæскуыйы паддзахадон академион театры къорд, Хуссар Ирыстоны президент Бибылты Анатолий, аивады сгуыхт архайджытæ. Пресс-конференцийы ма ныхас кодтой ног театралон сезонмæ цæттæдзинады тыххæй дæр. Райдайдзæн 9 октябры. Равдисдзысты Антон Чеховы пьесæ «Три сестры». Театрæн уыдзæн кæрæдзийы 'хсæн гастрольтæ дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv