Сергей Меняйло йе’ргом аздæхта социалон æмæ цæрæнуæтты коммуналон къабазы фарстатæм

Аппаратон æмбырды æрдзыдтой социалон æмæ цæрæнуæтты-коммуналон къабазы фарстатыл. Республикæйы разамонæджы ныхæстæм гæсгæ, цæрджыты курдиæттимæ хъæуы бæстондæрæй кусын. Уымæй уæлдай, уыцы хъуыддагмæ ’ргом аздахын хъæуы сæргълæууæджы Администрацийы дзуапдæттæг управленийы кусджыты æмæ хицауады уæнгты дæр. Фарстамæ лыстæгдæр æркæсгæйæ хуыздæр рабæрæг уыдзысты бынæттон хиуынаффæйады куысты аиппытæ алы районы дæр. Дзæуджыхъæуы администрацийæн Сергей Меняйло бабар кодта дондзæуæн æмæ хъармгæнæн системæты куыст банывыл кæнын. Зымæгон куыстмæ объекттæ хъуамæ дзуапп дæттой æппæт хъæугæ домæнтæн. Тарифты регионалон службæйæ республикæйы разамынд бадомдта лæггæдты æргъты тыххæй информаци хæстæгдæр рæстæг бацæттæ кæнын. Электрон тых, дон æмæ канализацийæн алы районы фидынц алыхуызон. Цæрæнуæтты -коммуналон хæдзарад, артаг æмæ энергетикæйы министрадæн бахæс кодтой уыцы хъуыддаг иу фæткмæ æркæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv