Дзæуджыхъæуы бæрæг кæнынц Уастыджимæ кувæн къуыри

Алы аз дæр бирæфатерон хæдзæртты цæрджытæ бæрæгбон сбæрæг кæнынц иумæ. Бирæтæ йæм фæцæуынц æппӕт бинонтæй. Æнæмæнг, æрбакæнынц сывæллæтты дæр, хæрз чысылæй райдайой зонын æмæ æмбарын ирон рæсугъд æгъдæуттæ, зæгъгæ. Фæлæ ацы аз уавæр зынгæ аивта. Эпидемиологон уавæр хынцгæйæ, адæмӕн сӕ фылдæр бæрæгбон кӕнынц сӕ хæдзæртты, бинонты æхсæн. Джеоргуыбамæ Ирыстоны цæттæ кæнын райдайынц рагацау æмæ зæрдиагæй. Куыд хъæуты, афтæ горæты дæр. Дзæуджыхъæуы дæр алы бирæфатерон бæстыхайы кæрты ис хæдзæрттæ. Уым бынæттон цæрджытæ се 'ртыгай чъиритæ скувынц. Доваторы номыл уынджы 11-æм хæдзары цæрджытæ дæр алы аз ацы бæрæгбоны бакувынц иумæ. Кæрты цы кувӕн хæдзар ис, уырдæм фæцæуынц æнæхъæн бинонтæй. Бæрæгбоны къуыри цӕмӕй адӕм сӕ хæдзæртты, бинонты 'хсæн бакувой, уымӕ сидынц нæ республикæйы æхсæнадон палатæйы уæнгтæ дæр. Сидынц, цæмæй хистæрæй кæстæрмæ хъахъхъæной сæхи æмæ сæ алыварс чи ис, уыдоны. Къурийы дæргъы æппæт республикæйы адæм кувдзысты. Æгас Ирыстонæн дæр курдзысты сабырдзинад, бæркад æмæ фарн. Сæйрагдæр та - æнæниздзинад.  _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv