Сергей Меняйло фембæлд стратегион хъæппæристы агентады генералон директор Светлана Чупшеваимæ

Цæгат Ирыстонмæ кусæг балцы ссыд стратегион хъæппæристы агентады делегаци. Сергей Меняйло фембæлд агентады генералон директор Светлана Чупшеваимæ. Ныхас цыд регионы инветистицион къабаз æмæ бизнесы рæзты фарстатыл. Регионы разамонæг куыд фæнысан кодта, афтæмæй амалхъомады рæзт у хицауады куысты раззагдæр нысан. Уыимæ ма, æрныхас кодтой агропромышленон комплексы къабазы паддзахадон æххуысыл. Афойнадыл хъæугæ æххуысы мадзæлттæ æххæстгонд кæй æрцыдысты, уый руаджы бантыст Националон рейтингы регионы уавæр фæхуыздæр кæнын. 2016 азæй 2020 азмæ къухы бафтыд 33 къæпхæны фæуæлдæр уӕвын. Ацы аз Цæгат Ирыстон бацахста 29 бынатæй 13-æм. Рейтингмæ бахастой Уæрæсейы 85 субъекты дæр. Фембæлды кæронбæттæны уынаффæ рахастой регионы райрæзты моделыл бакусын. Уæрæсейы Президент Владимир Путины уынаффæмæ гæсгæ, нæ бæстæйы ӕппӕт регионты дæр æххæст кæнынц егъау проект - Националон-социалон хъæппæрис. Йæ фæлгæты бакусдзысты нырыккон социалон стандарттыл. Пилотон проекты архайдзæн Цæгат Ирыстон дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv