Цæгат Ирыстоны фæсивæды 'хсæн ацыдысты спортивон ерыстæ

Спортмæ æмæ æнæниз царды уагмæ æнувыд ахаст - æрбамбырд кодта Цæгат Ирыстоны фæсивæды. Цыколайы уыд спартакиадæ. Ерыстæ аразынц ныр 9-æм аз. Йæ архайджытæ - Цæгат Кавказы æппæт республикæты минæвæрттæ. Эпидемиологон уавæры тыххæй спортивон мадзалы фæтк ивд æрцыд. Идрис Алиев спартакиадæйы ныр цыппæрæм хатт архайы. Ацы аз мадзал ацыд Цыколайы. Сарæзтой йæ сабырдзинад æмæ 'фсымæрдзинады эстафетæйы хуызы. Йæ сæйраг нысан – Цæгат Кавказы фæсивæды иудзинад. Спартакиадæ арæзт цæуы 9-æм аз. Бацархайын дзы кæй фæнды, уыдоны нымæц гыццыл нæ вæййы. Фæсивæд æрбамбырд вæййынц æгас Цæгат Кавказы федералон зылдæй. Раздæр-иу стадионы трибунæты къух бакæнæн дæр нæ уыд. Фæлæ фарон æмæ ацы аз эпидемиологон уавæры аххосæй, мадзалы бацархайдтой æрмæст нæхи республикæйы цæрджытæ. Фæлæ уый тыххæй ерыстæ æнцондæр нæ рауадысты. Спортсментæ хуыздæр суæвыныл тох кодтой спорты алы хуызты. Сæ рæстæг æхсызгонæй æрмæст ерысдзаутæ нæ арвыстой, фæлæ ма сабитæ дæр. Сæрмагондæй сын сарæзтой хъазæн фæз. Уый къухы бафтыд пысылмон культурæ бахъахъхъæныны, ахуырад æмæ наукеæйы фонды æххуысæй. Цæгат Кавказы пысылмæтты координацион центры архайджытæн мадзал сси традицион. Фыццаг хатт ацы мадзал арæзт æрцыд Дагестаны. Фæстæдæр та æрбамбырд кодта æндæр республикæты минæвæрттæ, се хсæн Цæгат Ирыстон дæр. Цыколайы спартакиадæ ацыд хæларæй. Уымæн æвдисæн та уый, у æмæ архайджыты 'хсæн чи фæуæлахиз, кæнæ фембылд, ахæмты нæ равзæрстой. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv