Дзæуджыхъæуы схорзæхджын кодтой "Студент года" æркасты регионалон къæпхæны архайджыты

Сбæрæг сты "Афæдзы хуыздæр студенттæ". Дзæуджыхъæуы схорзæхджын кодтой æркасты регионалон къæпхæны архайджыты. 32 адæймагæн радтой кады гæххæттытæ. Архайджыты фылдæр хай сæхи æнтыстджынæй равдыстой сфæлдыстадон, æхсæнадон æмæ спорты номинациты. Бацæттæ кодтой видео-презентаци, радзырдтой сæхи тыххæй. Ныр уыдонæй 13-æн ис гæнæн сæхи æппæтуæрæсеон къæпхæны равдисын,ацæудзæн Мæскуыйы. Конкурс арæзт цæуы ныр дæсæм хатт.