Фидæны курорт «Мамысон»-мæ хæстæг бынæтты арæзт объекттæн бакусдзысты иумæйаг концепци

Фидæны курорт «Мамысон»-мæ хæстæг бынæтты цы объекттæ араздзысты, уыдонæн бакусдзысты иумæйаг концепцийыл. Амынддзинæдтæ скæндзысты республикæйы муниципалон скондтæн дæр. Хæххон фæзуæттæм чи хауы, уыдонæн. Уый тыххæй журналисттæн фехъусын кодтой републикæйы архитектурæйы комитеты. Ныхас цæуы, хæхты объекттæ хъуамæ куыд арæзт цæуой, цавæр æрмæджытæй, ууыл. Ведомствæйы куыд фæбæрæг кодтой, афтæмæй хæххон фæзуæттæм ныртæккæ адæмы 'ргом фылдæр аздæхт. Фæлæ, бирæтæ йæ не 'мбарынц, историйы ахсджиаг хай кæй сты уыцы бынæттæ, уый. Кæй куыд фæнды, афтæ дзы аразæн нæй бæстыхæйттæ. Ацы азы кæронмæ концепци уыдзæн цæттæ. 2021 азы та æппæт объекттæ дæр араздзысты уымæ гæсгæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv