Майскæйы æмæ Дæллаг Санибайы фæзынд амбулаторитæ æмæ фелсырон акушерон пункттæ

Хъæугæ медицинон æххуыс райсын, уыимæ ма хорз уавæрты. Майскæйы æмæ Дæллаг Санибайы цæрджытæн ахæм фадат ис. Фæзынд дзы ног фелсырон-акушерон пункттæ. Ныр хъæуы цæрджытæн медицинон æххуыс кæндзысты афойнадыл. Райдзаст кусæнуæттæ æмæ нырыккон техникæ медицинон æххуысæн. Майскæйы хъæуы фæзынд ног амбулатори. Ныры онг дохтыртæ сæ куыст кодтой, меценат сын цы бæстыхай самал кодта, уым. Къуситы Луиза, заведующая амбулаторией с. Майское: «Нæ кусæнуæттæ парахат сты, 6-7 метры бæрц. Раздæры кусæнуæттæ дæр къуындæг нæ уыдысты, фæлæ сæрмагонд домæнтæн дзуапп нæ лæвæрдтой. Нæхи дæр тынг фæндыд, ахæм райдзаст бæстыхæй нын уа, уый. Æхсызгон нын у нæ, къухы кæй бафтыд». Ног амбулаторийæн йæ бон райсын у 50 адæймаджы. Ардæм æрбацæуынц канд Майскæйы хъæуы цæрджытæ нæ, фæлæ ма æввахс хъæутæй дæр. Къуситы Луиза, заведующая амбулаторией с. Майское: «Ам æввахс чи цæры, уыдонæн æнцондæр у ардæм æрбацæуын. Мах сын æмбæлгæ æххуыс бакæндзыстæм». Ай тæ у фельдшерон-акушерон пункт Дæллаг Санибайы. Ам дæр бонмæ исдзысты 50 адæймаджы. Дохтыр кæм улæфа, ахæм бынат дæр дзы ис. Уымæй уæлдай ма дзы цæрынæн бæзгæ уавæртæ дæр скодтой. Аскер Наниев: «Ацы хъуыддаг проекты нысангонд у. Куы йæ уынæм, фелсырæн цæрæн бынат нæй , зæгъгæ, уæд ам æрлææуы. Зæгъæм, Дзæуджыхъæуы цæры æмæ йын ардæм алы бон цæуын зын у, уæд йæ бон у ацы цæрæнуатæй пайда кæнын». Æдæппæтæй Горæтгæрон районы 2 азмæ сарæзтой 4 амбулаторийы æмæ 3 фелсырон-акушерон пункты. Ацы аз ма сараздзысты 6 фелсырон-акушерон пункты. Уымæй уæлдай ма, тагъд рæстæджы фæнд кæнынц районы сæйраг поликлиникæ сцалцæг кæнын. Айларты Эмилия _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv