Уæрæсейы Фæлхасгæнджытæм цæстдарды управленийы кусджытæ базарадон центрты рацыдысты рейды

Коронавирусы инфекци фæстаг рæстæг кæй парахат кæны, уый хынцгæйæ Фæлхасгæнджытæм цæстдарды управленийы æмæ мидхъуыддæгты министрады кусджытæ иумæ аразынц профилактикон рейдтæ. Бæрнон кусджыты радон хатт сбæрæг кодтой базарадон центрты уавæр. Семæ уыд нæ уацхæссæг Хъараты Маринæ дæр. Базарадон центр «Глобус»-ы алы дуканийы дуарыл дæр фенæн ис фыст «Æнæ маскæтæй æлхæнджытæн нæ лæггад кæнæм», зæгъгæ. Алы уæйгæнæгмæ дæр ис маскæтæ æмæ антисептиктæ. Уæрæсейы фæлхасгæнджытæм цæстдарды управленийы амынддзинæдтæ куыд æххæст кæнынц, уымæ ис лæмбынæг цæстдард. Æхсæнадон бынæтты уавæр æппынæдзух бæрæг кæнынц Уæрæсейы фæлхасгæнджытæм цæстдарды управлени æмæ Мидхъуыддæгты министрады кусджытæ, уыимæ ма горæты администрацийы минæвæрттæ дæр. Базарадон центртæм здахынц уæлдай æргом. Абон профилон ведомствæты специалисттæ сбæрæг кодтой, базарадон центр «Глобус»-ы уæйгæнджытæ æмæ æлхæнджытæ санитарон домæнтæ куыд æххæст кæнынц, уый. Профилон уагдоны куыд бафиппайдтой, афтæмæй адæм уавæрмæ куыдфæндыйы цæстæй нал кæсынц. Кæд-иу раздæр горæты цæрджыты фылдæр хай ахæм басгæрстыл къух ауыгъта, уæд ныртæккæ хъуыддаг æмбарынц ӕппӕт дӕр. Рейды рæстæг бæрæг кæнынц æрмæст санитарон домæнтæ нæ, фæлæ ма æмбарын кæнынц къæрцхъус уæвын цæмæн хъæуы, уый дӕр. Уæрæсейы фæлхасгæнджытæм цæстдарды управленийы кусджытæ æмæ мидхъуыддæгты министрады минæвæрттæ ахæм басгæрстытæ аразынц æппынæдзух. Иу хатт ма сидынц адæммæ, цæмæй низæй сæхи хъахъхъæной æмæ домæнтæ æххæст кæной. Хъараты Маринæ, Битъиты Давид. Ахæм хабæрттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv