«Мамысоны» курорты арæзтадмæ инвестортæ бахæсдзысты 9 млрд æмæ 300 милуан сомы

«Мамысоны» курорты арæзтадмæ инвестортæ бахæсдзысты 9 млрд æмæ 300 милуан сомы. Уый тыххæй фыст ис Уæрæсейы хицауадмæ æмбарынгæнæн фыстæджы. Ныхас цæуы бюджетон инвестицитæ Цæгат Кавказы курорттæн куыд дихгонд цæудзысты, уыцы программæйыл. Лæвæрд цæуынц 2018 - 2024 -æм азы онг. Октябры райдиан кусæг балцы рæстæг президенты æххæстбарджын минæвар Юрий Трутнев регионалон хицауадæн бабр кодта федералон органтимæ курорты арæзтадыл иумæ бакусын. Фæстæдæр экономикон рæзты министр Максим Решетников фехъусын кодта проектæн æртæ азмæ 6 млрд æмæ 400 милуан сомы кæй рахай кæндзысты, уый. Афтæмæй хъуамæ фæзына 1 мин æмæ 100 ног куысты бынаты. Рекреацион комплексы фæнд кæнынц къахдзоныгътыл бырæн трассæтæ саразын. Сæ арæзтады спайда кæндзысты нырыккон технологитæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv