Республикæйы йæ куыст райдыдта ахуырадон семинар-практикум

Фæсурокты хъомылгæнæгыл цавæр хæстæ æвæрд ис? Æрыгон специалист уæвын æнцон нæу. Уымæ гæсгæ йæ цард сывæллæтимæ куыстимæ сбæттын кæй фæнды, уыдонæн Уæллаг Фыййагдоны арæзт æрцыд семинар «Школа вожатого», зæгъгæ. Æдæппæтæй дзы архайы 50 студенты – фидæны уæлæмхасæн ахуырады педагогтæ. Гугкаты Иринæ бæлвырддæр радзурдзæн. Уæллаг Фыййагдоны сыгъдæг уæлдæф æрбамгом кодта ацы æвзонг фæсивæды. Иумæ сæ тыхтæ фæлвардзысты сæрмагонд ахуырты - семинар-практикум «Школа вожатого», зæгъгæ. Ахуырты архайынц республикæйы æртæ уæлдæр ахуыргæнæндоны студенттæ, стæй ныридæгæн фæсурокты хъомылгæнæгæй чи кусы, уыдон. Æдæппæтæй 50 адæймаджы. Алы архайæг дæр йæ размæ сæвæрдта нысан – хъæугæ информаци базонын æмæ дзы йæ куысты пайда кæнын. Ацы бонты ам кусдзысты федералон æмæ республикон центры специалисттæ. Фыццаг бон архайджыты зонгæ кæндзысты кæрæдзиимæ, архайдзысты, се 'хсæн хæлар ахастдзинæдтæ бабæттыныл. Уый та ахъаз уыдзæн зонындзинæдтæ исынæн. Семинар арæзт æрцыд сæрмагонд проекты фæлгæты. Хорзыл æй банымадтой фæсивæдон проектты Æппæтуæрæсеон конкурсы «Время интерактивных каникул», зæгъгæ. Йæ сæйраг нысан та у студентты æмæ уæлæмхасæн ахуырады педагогты фæсурокты хъомылгæнæджы кустыл фæцалх кæнын. Семинар цæудзæн 3 боны. Æвзæрстытæ цы фæсурокты хъомылгæнджытæ ацæуой, уыдоны æрвитдзысты сывæллæтты алыхуызон центртæ æмæ лагерьтæм, цæмæй цы зонындзинæдтæ райстой, уыдонæй сæ куысты спайда кæной. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv