Æхсæнадон организаци «Комсомол Осетии» скъоладзаутæн сарæзта экскурси

Дзæуджыхъæуы Намысы мемориалæй Елхотты монументы онг. Уымæй уæлдай ма – мемориалон комплекс Барбашовы фæз. Ахæм экскурси скъоладзаутæн æмæ студенттæн сарæзта æхсæнадон организаци «Комсомол Осетии». Ацы акци фыццаг хатт нæ сарæзтой. Йæ сæйрагдæр нысан – фæсивæды базонгæ кæнын хæсты истори æмæ йæ хъайтартимæ. Бæлвырддæр нæ дарддæры æрмæджы. Пъланмæ гæсгæ, фыццаг бабæрæг кодтой мемориалон комплекс Барбашовы фæз. Музей æрдзы хъæбысы Цæгат Кавказы у фыццаг. Ам фæсивæдæн дзурынц Фыдыбæстæйы Стыр хæсты хъæбатырты тыххæй, æвдисынц сын хæсты экспонаттæ дæр. Ацы музей æппæт архайджыты зæрдæмæ дæр фæцæуы. Акцийы фæлгæты фæсивæд абалц кодтой Дзæуджыхъæуы Намысы Мемориалæй Эльхоты монументы онг. Бабæрæг ма кодтой Гæздæнты авд æфсымæры цыртдзæвæн дæр. Фæсивæд куыд фæнысан кодтой, афтæмæй ацы акци у тынг ахсджиаг. Йæ фæрцы базонæн ис хæсты хабæрттæ. Æхсæнадон организаци Комсомол Осетии ахæм экскурситæ фыццаг хатт нæ аразы. Ацы хъуыддаджы фæдыл рамбылдтой бæстæйы президенты грант. Экскурсийы фæстæ фæсивæдæн скодтой лæвæрттæ дæр. Архайджытæн байуæрстой нысæнттæ æмæ Кавказы хæстон архæйдтыты картæтæ. Сæ фæрцы сæ бон уыдзæн базонын Кавказы хæсты тох. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv