Æрæфы районы æнтыстджынæй аразынц социалон объекттæ

Æрæфы районы æнтыстджынæй аразынц социалон объекттæ. Зæгъæм, Цыколайы бындуронæй цалцæг кæнынц 2-æм скъола, рæсугъд кæнынц Уæлахизы Парк, кæронмæ фæхæццæ кæны фелсырон-акушерон пункты арæзтад. Ахæм пункттæ та æдæппæттæй ацы аз районы байгом уыдзæн 8. Иу ныхасæй, районы рæзы.  Цыколайы 2-æм скъолайы ныртæккæ цæуынц бындурон цалцæггæнæн куыстытæ. Национ проект «Ахуырад»-ы фæлгæты объекты цалцæгæн рахай кодтой 42 милуан сомы. Ам алы бон кусы 30 адæймагæй фылдæр. Ныридæгæн уал баивтой скъолайы уæлцъар, рудзгуытæ, æппæт хæтæлтæ. Ныр та хъуамæ барæсугъд кæной къултæ. Цалцæггæнæн куыстытæ цæуынц Цыколайы «Уæлахизы Парчы» дæр. Йæ фæзуат у 2 гектары. Парчы бындур æвæрд æрцыд ивгъуыд æнусы, 80 азты. Национ проект «Формирование комфортной городской среды»-йы фæлгæты йын ацы аз рахай кодтой 9 милуан сомы. Куыстытæ райдыдтой июны. Ныридæгæн сты сæ тæмæны. Сифтонг æй кæндзысты рухсдæттæн системæйæ, бандæттæ æмæ бырондæттæй. Иу ныхасæй, адæм сæ фæллад уадздзысты рæсугъд æмæ аив бынаты. Советское хъæуы та самадтой фелсырон-акушерон пункт. Ныридæгæн кусынц объекты уæлцъарыл. Бауагъдтой уал дзы рухс. Бацархайын ма хъæудзæн мидæггаг куыстытыл. Сифтонг æй кæндзысты нырккон кусæнгæрзтæй. Проектмæ гæсгæ куыстытæн рахай кодтой 6 милуан сомы. Национ проек «Здоровье»-йы фæлгæты ацы аз Æрæфы районы амайынц 8 фелсырон-акушерон пункты. Программæ «Комплексное развитие сельских территорий»-мæ гæсгæ базилдзысты 5 æхсæнадон бынатмæ. 2 объекты та «Комфортная городская среда»-йы фæлгæты. Куыстытæ дарддæр цæудзысты. Ныфс дарынц, афойнадыл æххæст кæй æрцæудзысты , уый. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv