Абон бæрæг кæнынц Советон æфсæддонты Афганистанæй куы ракодтой, уый 32 азы бон

32 азы размæ Советон Цæдисы æфсад ракодтой Афганистанæй. Уыцы цаутæ абон æрымысыдысты Цæгат Ирыстоны. Хæсты чи архайдта, сæ ныййарджытæ, 58-æм æфсады службæгæнджытæ æмæ Афганистаны ветеранты цæдисы уæнгтæ сæмбырд сты Дзæуджыхъæуы Афгайнаг скверы. Хъайтарты нæмттæ æрымысыдысты минут æдзæмæй алæугæйæ. Дидинджытæ сæвæрдтой монументы цур. Кадджын майдантæ æмæ кады гæххæтытæй схорзæхджын кодтой фæсивæдимæ патриотон - хъомыладон куыст чи кæны, уыдоны. Дæс азы дæргъы цыд тугкалæн хæст. Фæстæмæ дзы нал сыздæхтысты 15 мин советон салдаты æмæ афицеры. Цæгат Ирыстонæй ацыдысты 1200 адæймаджы. 60 фылдæр дзы баззадысты хæсты быдыры. Ныртæккæ республикæйы цæры Афганистаны хæсты 800 ветеранæй фылдæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv