Æппæтуæрæсеон æхсæнадон змæлд «Волонтеры Победы» йы минæвæрттæ бабæрæг кодтой ветеран Иван Бондины

Æппæтуæрæсеон æхсæнадон змæлд «Волонтеры Победы»-йы регионалон штабы сæрдар Бзарты Еленæ уазæгуаты æрбацыдис Фыдыбæстæйы Стыр хæсты ветеран Иван Бондинмæ. Тохвæллад хæстонæн парти «Иугонд Уæрæсе»-йы номæй ракодта арфæтæ æмæ йын саккаг кодта лæвæрттæ. Хорзæхты `хсæн уыд чырæ телефон дæр. Уый фæрцы ветеранæн йæ бастдзинад дунеимæ сæфт нæ уыдзæн. Кадджын хистæр уазджытæй тынг фæбузныг. Загъта сын бирæ хорз ныхæстæ, зæрдæ сын бавæрдта, ацы бон йæ зæрдыл бирæ рæстæг кæй лæудзæн. Бафтаудзыстæм ма уый, æмæ партийы уæнгтæ ахæм акцитæ саразынц фæткмæ гæсгæ. Иван Бондинмæ дæр фыццаг хатт не `рбацыдысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv