Раздзоджы национ проект «Здравоохранение» йы фæлгæты фæзындзæн амбулатори

Разджоджы фæзындзæн райдзаст амбулатори. Бонмæ дзы лæггад кæндзысты 50 адæймагæн. Раздæр цæрджыты æндæр горæтмæ цæуын хъуыд се `нæниздзинад фæхуыздæр кæнынмæ. Арæхдæр æххуысмæ уадысты Беслæнмæ. Ныр сын хорз фадат фæзынд. Сентябры адæмæн æмæ дохтыртæн йæ дуæрттæ байгом кæндзæн ног бæстыхай нырыккон медицинон кусæнгæрзтимæ.  Райдзаст амбулатори, къултæ ног амад, сыгъдæг агъуыстытæ. Раздзоджы цæрджытæн тагъд рæстæджы йæ дуæрттæ бакæндзæн нырыккон бæстыхай, уыдзæн дзы ног медицинон кусæнгæрзтæ. Амбулатори арæзт цæуы национ проект «Здравоохранение»-йы фæлгæты. Хъæуы цæрджытæн ацы хъуыддаг уæлдай æхсызгон у. Дзодзиаты Чермен Раздзоджы администрацийы сæргълæууæгæй куы æрлæууыд, уæдæй фæстæмæ архайы хъæуы риссагдæр фарстатæ аиуварс кæныныл. Баст сты, сæйрагдæр, социалон къабазимæ. Сæ ахсджиагдæртæй иу у хъæуы амбулатори сног кæнын. Ныр объекты арæзтад æрвылбон бæрæг кæны. Ацы амбулатори хъуамæ цыбыр рæстæгмæ цалцæггонд æрцæуа. Бонмæ медицинон кусæндоны сæ бон балæггад кæнын уыдзæн 50 адæймагæн. Бынæттон цæрджытæ æмæ дохтыртæ амбулаторийы рацарæзтмæ æнхъæлмæ кæсынц. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv